Mbytet në plazhin e Durrësit turistja nga Bosnjë Hercegovina

Një pushuese nga Bosnjë Hercegovina është mbytur në plazhin e Durrësit të dielën.

Policia tha se ngjarja ndodhi rreth orës 16:30, në lagjen nr. 13, Durrës, ku dyshohet se është mbytur aksidentalisht, teksa po lahej në det, shtetasja S. T., 66 vjeçe, banuese në Bosnjë dhe Hercegovinë.

Grupi hetimor ndodhet në vendngjarje dhe po punon për sqarimin dhe dokumentimin e plotë të rrethanave të ngjarjes, si dhe për përcaktimin e shkakut të mbytjes.