Endrit Zogaj, kandidat për Asamblenë Komunale të Prizrenit nga radhët e PDK-së, me numër 28, thekson se lista e tij zgjedhore nuk është në garë vetëm për partinë, por për çdo qytetar të Prizrenit, pa dallim.
“Nëse e duan këtë qytet me zemër dhe kërkojnë një kryetar të ndershëm, kompetent dhe me integritet, që qeveris me dinjitet – atëherë ekziston vetëm një adresë: PDK 191, Shaqir Totaj,” u shpreh Zogaj.
Ai nënvizoi se bashkëpunimi, përkushtimi dhe vizioni për zhvillimin e qëndrueshëm të Prizrenit janë prioritetet kryesore të tij dhe të ekipit të PDK-së.
Ai bëri thirrje që qytetarët ta përkrahin këtë vizion të përbashkët për një qytet më të mirë dhe më të drejtë për të gjithë.